بالزهور الوردية والهدايا انطلق فى الصباح الباكر مع والدته على اللجان الانتخابية ليشارك فرحة المصريين بالانتخابات ويقف بين صفوف المواطنين في الطوابير ليوزع عليهم الزهور الوردية البلاستيك والذى صنعه بنفسه وميداليات عليها علم مصر وميداليات أخرى منقوش عليها رموز فرعونية، هو ما فعله كريم أحمد مصطفى بطل من متلازمة الحب “متلازمة داون” أمام إحدى اللجان الانتخابية.
وقالت والدة كريم الذى يبلغ من العمر 36 عاما: “لم أرَ فرحة المصريين بالانتخابات مثل هذه المرة، فبسبب عدم الأمن والأمان في بعض الدول الأخرى حرص المصريين على النزول في الإنتخابات لاختيار الرئيس المناسب والذى نشعر معه بالأمان وعدم الخوف من أي شيء، أنا انتخبت الرئيس عبد الفتاح السيسى عشان هو فعلاً هيقدر يحمينا، ده غير إنه بيهتم بأولادنا من ذوى الهمم وابنى كريم فعلاً بقى أفضل وأحسن من زمان بقى يقدر يتعامل مع الناس وينتج وبيعمل مشغولات يدوية، ده غير إنه حتى الآن معاه 166 شهادة تكريم ودرع وميدالية من جهات محلية وعالمية”.
وأضافت: “كريم ابنى من أصحاب متلازمة داون لكن الحمد لله هو بيعمل مشغولات يدوية وبيشارك في معارض وبيحب الناس والناس كلها بتحبه عشان كدا قرر إنه ينزل النهاردة معايا الانتخابات ويوزع زهور وردى بلاستيك هو صنعه بنفسه وعمل كمان ميداليات وهدايا ووزعها على الناس في اللجان والناس كلها اتبسطت بيه”.
وتابعت: “أدعوا كل الناس اللى أبنائها من ذوى الهمم انها تاخدهم معاها الانتخابات وتخليهم يشاركوا المصريين فرحتهم”.
