“طوابير من المواطنين أمام اللجان وأعلام مصر وأغانى وطنية في كل مكان”، مشهد مشرف للمصريين في الانتخابات الرئاسية، كبار وأطفال ونساء كل الفئات تشارك فرحة الانتخابات الرئاسية، وفى هذا السياق دعت أخصائية التخاطب أيات عبد الحكيم أهالى ذوى الهمم باصطحاب أطفالهم معهم في الانتخابات ليشاهدوا المشهد العظيم وأجواء البهجة والفرحة الموجودة في كل مكان.
وقالت لـ”اليوم السابع”: “لازم أى أب وأم بينزلوا الانتخابات ياخدوا معاهم ابنهم ويبدأوا يفهموهم، إحنا بنعمل إيه بأسلوب مبسط، وإن إحنا بنختار حد يبقى رئيس للجمهورية ومسئول عننا عشان خاطر يشوف مشاكلنا ويحلها لنا، بناخد الطفل معانا المدرسة وبنقوله إحنا بناخد ورقة وبنختار فيها الشخصية اللى إحنا عاوزنها وواثقين فيها، واشرحله الفكرة بطريقة بسيطة”.
وأضافت: “ذوو الاحتياجات الخاصة مش هينفع أحكيله وهو قاعد قدامى لازم ينزل ويتفرج ويشوف قدامى هيرجعوا مبسوطين جدًا لأن ده بالنسبة لهم أجواء احتفال والناس حواليه هتغنى وهيرفعوا أعلام مصر هيبقى فيه أجواء من البهجة والوطنية الأطفال هيحسوا بحاجة حلوة فهما هيرجعوا مبسوطين كأنهم كانوا فى رحلة، ممكن يكونوا مش مستوعبنها أوى، لكن الدوشة اللى هيشوفوها فيه نوع من أنواع الفرحة وهيبقى ماسك العلم وبيغنى وهيكون مبسوط وعارف إنه بيعمل كدا عشان مصر تبقى حلوة”.